Löönemenjoelkedassh
Gaajhkesh skuvleaalteren raejeste maehtieh löönemekåarhtem åadtjodh. Jis ih leah 14 jaepieh illeme, dle dov eejhtegh jallh dah mah eejhtegi åvteste tjuerieh sov nommem tjaeledh.
Leessh goerem våålese daesnie.
Goerem bååstede seedth nommevæhtine fylhken gærjagåatan, jallh datne maahtah dam bussesne deelledh.
Nasjovnaale löönemekåarhte
Nasjovnaale gærjagåetiekåarhte vadtasåvva almetjidie mah 15 jaepieh illeme. Kåarhte reakedsnommerem (11 sifferh) kreava. Dov lea reakta gïrredh bïevnesh dov bïjre vöörhkesuvvieh nasjovnaale löönemeregisterisnie. Datne maahtah Nasjovnaale löönemekåarhtem nåhtadidh dejnie jeanatjommes gærjagåetine Nöörjesne.
Löönemekåarhte
Vaeltieh iktesth löönemekåarhtem meatan jis sïjhth maam akt löönedh. Dov lea dïedte gaajhki åvteste maam datne dov kåarhtesne löönh. Bïeljelh fylhken gærjagåatan dastegh dam dassh. Orre kåarhten åasa lea 10,- kr. Mujhtieh aaj bïeljelidh jis nommem, adressem, tellefovnenommerem jallh e-påasteadressem jarkelh.
Lööneme jïh löönememierieh
Byörh eeremes bååstede deelledh dam maam lööneme minngeben aejkien busse båata, men maahtah dam 2 aejkieh orrestidh dastegh eah mubpieh dam dongkeme. Jis mubpieh leah lööneme dam maam datne sïjhth löönedh, dle maehtebe dam dongkedh dutnjien. Datne bïevnesem e-påastine jallh prievine åadtjoeh gosse maahtah dam veedtjedh.
Dongkemh
Datne maahtah aath dongkedh mejtie busse meatan vaalta dan varke dïhte gååvnese. Mijjieh skuvlide haestebe åvtelhbodti dongkedh. Maahta dongkedh daestie: , e-påaste, tellefovne jïh faakse. Jis skuvle låhkoem joekehts gærjijste daarpesje, soptsesth mijjen goevtesinie lesesettavdelingen
Fer seejnes deelleme bååstede
Gosse krïebpesjimmiem dååsteme, maahtah mijjine soptsestidh guktie mijjieh maehtebe dov löönemem orrestidh, jallh datne maahtah dam lööneme materijellem dallah bååstede deelledh – goh bussesne, lïhkemes gærjagåetesne jallh påastesne seedtedh. Voestes krïebpesjimmie seedtesåvva 14 biejjieh mieriebiejjien mænngan. 14 biejjieh dan mænngan dle mubpie krïebpesjimmie båata. Dan mænngan reeknege inkassobïeljelimmine seedtesåvva.
Teehpeme jïh skaarah
Dov lea dïedte gaajhki åvteste maam bussesne löönh. Jis löönemenjoelkedasside mïedtelh dle maahtah löönemereaktam dassedh. Tjoerh teehpeme materijellem maeksedh daej åasaj mietie:
Lööneme geervegoevtesistie
Gærjah 400,-
Tjoejegærjah 500,-
Film 300,-
CD 300,-
CD-rom 500,-
Gïelekuvsjh 1000,-
Tjaalegh 100,-
Lööneme maanagoevtesistie
Gærjah 250,-
Tjoejegærjah 300,-
Film 250,-
CD 250,-
CD-rom 500,-
Gïelekuvsjh 1000,-
Tjaalegh 100,-
Maehtebe åaside jarkelidh bielelen bïeljelimmie.
Jis reeknegem åådtjeme man akt åvteste datne bussesne lööneme, ih edtjh reeknegem maeksedh jis bååstede deellh maam lööneme. Dastegh reeknegem maaksah, dle daate dov sjædta, jïh dan åvteste ih edtjh dam bååstede deelledh jis dam dasseme aatem vihth gaavnh.
Govlehtallemebïevnesh
Trøndelag fylkesbibliotek
Mobijletellefovne(Gærjabusse): 976 63 119
Gærjabussekontovre: 74 17 43 90
E-påaste
| |